بصراحة وبكل صراحة...................................................... انت متفائل؟؟؟

يا ترى ياخوانا مين فينا كان عنده امل انه يحصل في مصر اللي حصل الايام اللي فاتت دي؟
طيب ياترى احنا متفائلين باللي حصل ده
ولا احنا زي مابيقولو سارقانا السكينه
ومش داريين باللي بيحصل حوالينا
دول بتحاول تنتهز الفرصة ... والديون بقت اكتر من الناتج القومي نفسه
دا حتى احنا مش قادرين نظبط الميزانية الجديدة
...
ولا احنا لازن نفرح بالديموقراطيه اللي شغاله دلوقتي
والناس اللي كانت كاتمه على نفسنا دي انزاحت وبقى فيه الف امل ان اي شاب ممكن يبقى عضو مجلس الشعب او وزير
او حتى رئيس
انت شايف المستقبل قدامك عامل ايه؟
متفائل ...متفائل بس بحذر.... ولا مش مطمن
وليه؟

انا متفائله................
لان الثورة دي فتحت عينينا على حاجات كتير احنا كنا مش شايفينها

وكمان الناس اللي كنا عارفين ومتأكدين انهم حرامية
وماكناش قادرين حتى نفكر نقول لهم انتوا بتعملوا ايه
دلوقتي شوف هما فين
حتى لو كان على كلام البعض انهم هيدخلوا السجن شوية وهيطلعوا
بس على الاقل داقوا طعم الذل اللي شربوه للشعب

انا متفائله................
لان الثورة دي فتحت عينينا على حاجات كتير احنا كنا مش شايفينها

يا اخت همسة
مين قلك ان احنا مكناش شايفينها
احنا كنا شايفينها بس كنا بنحب نغمض عيونا
ولو كنا سجنا واحد حرامي كبير
ففيه الف واحد حرامي صغير دلوقتي

ولا ايه يا جماعة

انا مش متفائله

انا مع راى ميمي مش متفائل
ليـــــــــــــــــــــــــــــــــــــــــــــــــــــــــه
1- الحرامية الكبار دخلوا السجن ماشى
بس الصغار اخطر منهم ودول يتمثلوا فى الانتهازيين فى البلد
2- الثورة بتاعت الشباب ورغم عن ذلك الوزارة الجديدة لا يوجد بها ولا شاب وزير
3- لسه فيه علامات استفهام كبيرة مثال وزير الانتاج الحربى سيد مشعل لسه موجود فى الوزارة الحالية مع انه زور فى النتخابات الماضية وحزب وطنى وكانت مشاكله مع مصطفى بكرى كبيرة
4- بعض الوزارات ثبتوا موظفيهم " وزارة المالية " (ىالكوسة ) قصدى وزارة الكوسة ولسة التربية والتعليم بيماطلوا معاهم
هل يكفى هذا ام اكتب ثانية

فيه مثل بيقول :يافرعون ايه اللى فرعنك قال:ملقيتش حد يلمنى
دا كان حال الجماعة اللى كانوا بيفسدوا البلد يا اخ عاشق ولكن هناك طموح من بعض الشباب انه ينصلح حال البلد وده لازم يبدأ من انفسنا الاول ذى ما قال الرسول ان الله لا يغير ما بقوم حتى يغيروا ما بأنفسهم

ميمي كتب:: انا مش متفائله

ميمي قالت مش متفائله بس ماقالتش ليه!!!

محمد فوزي كتب:: مش متفائل
ليـــــــــــــــــــــــــــــــــــــــــــــــــــــــــه
1- الحرامية الكبار دخلوا السجن ماشى
بس الصغار اخطر منهم ودول يتمثلوا فى الانتهازيين فى البلد
2- الثورة بتاعت الشباب ورغم عن ذلك الوزارة الجديدة لا يوجد بها ولا شاب وزير

ماشي ياعم فوزي
يعني لو ثبتوا التربية والتعليم هتبقى متفائل؟؟؟؟

روبنسون كتب:: هناك طموح من بعض الشباب انه ينصلح حال البلد وده لازم يبدأ من انفسنا الاول

هو ده الكلام اللي انا عايز اسمعه
بس ياترى... هل احنا بجد بنحاول نبدأ؟
ولا لسه مش مقتنعين ان احنا نقدر نعمل حاجة؟؟

انا معاكم ان الصلاح من انفسنا \
ولكن فين اللى يديك الدافع
كل مل نعمل حاجة صح الناس يقولوا علينا اكيد صدقوا ان فيه ثورة قامت وخاصة مديرين المادارس بتوعنا
وانت عارف كدة كويس يا عاشق
ومجرب الحكاية دى
يبقى لازم نشوف حل جديد ينفع مع الجماعه القدام

اقتباس :: يبقى لازم نشوف حل جديد ينفع مع الجماعه القدام

يعني نمل فيهم ايه بالظبط؟؟؟؟
نقتلهم؟؟؟
ولا نخلص منهم؟؟؟
ماتنساش يا اخ فوزي ان دول الخير والبركه
بس لازم نثبتلهم ان احنا صح
ازاي بالاجتهاد والعمل
ولا ايه؟؟؟؟؟؟؟

بصراحه وبكل صراحه

انا متفائل

بس بحذر

لان البلد لسه مش ثابته

وربنا يستر

احنا فعلا مش عارفين رايحين فين

smsm

اقتباس :: احنا فعلا مش عارفين رايحين فين

طيب حد يقولي نعمل ايه؟؟؟

بالعمل ازاى وانا بقلك كل ما نعمل حاجه صح يحبطونا
دول عاوزين ردمهم بالحجارة ونقرا عليهم الفاتحة مثال
انبوبة

وللضالين آمييين

روبنسون

اقتباس :: وللضالين آمييين

ايه يا عم روبنسون انت هتشتغل حانوتي ولا ايه؟

انبوبه دا مثال بسيط للشخص الذي لا يدري عن الاداريات شئ
وهو ضحية اكثر من انه جاني

بس اهوه بدأت الامور تتعدل بقرارهم
ان المدير يكون مؤهل عالي ومن ذوي الكفاءة والخبرة
لعلة خير

دا لو كان كده يبقى ثلاث ارباع المديرين فى البلد هيتشالوا اللهم آميييييييين
خلى البلد تنظف يا راجل

امين
يسمع من بقك ربنا
اهو احنا كمان ربنا يكرمنا
الان
مش قلتلكم انا متفائل الدولة الان بدأت فى التحرك
وعجلة الانتاج بدأت
والمرتبات زادت يا لا بقي نعمل اللي علينا